поиск новостей
  • 09.12 "Сөйли торган материя". "Сәйдәш" мәдәният үзәге. 18:30.
  • 11.12 «БОЛГАР РАДИОСЫ»НЫҢ IX МИЛЛИ МУЗЫКАЛЬ ПРЕМИЯСЕ ОНЛАЙН! "ТНВ-ТАТАРСТАН" һәм "ТНВ-ПЛАНЕТА" телеканалларында!
  • 14.12-19.12 Илсөя Бәдретдинова. "Фәрештә түгел". УНИКС
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 09 Декабрь
  • Лениза Назлы - ди-джей
  • Хәсән Туфан (1900-1981) - язучы
  • Алексей Песошин - дәүләт эшлеклесе
  • Альбина Асылгәрәева - журналист
  • Нәҗибә Әминева - шагыйрь
  • Идият Әширов - шагыйрь
  • Абдулла Али (1925-2011) - җәмәгать эшлеклесе
  • Зөфәр Сәхәбиев - баянчы
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Агач өйгә тәрәзә читләре (наличники) эшләүче кирәк. Казан, Вахитов районы. 89655886519 Ватсапка языгыз.
  • Сдаю однокомнатную квартиру в Радужный, Осиново т.89655938461,89375278107
  • Иномарка сатып алам.Бюджет 800-850мең.Тел.89178808466
  • Актаныш жалюзи все виды качественно(эйбэт)89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • КАЗАН ШЭХЭРЕНДЭ КАР КОРЭУ, ГРУЗЧИК, ГАЗЕЛЬ ХЕЗМЭТЕ КУРСЭТЭБЕЗ. 89196271171
  • требуется дворник,центр Казань, 89377734777, в день2-3 часа
  • ДВОРНИК ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар

 

 
 

 
Архив
 
04.10.2021 Язмыш

Ана түгел, күке

Бервакыт ир-ат танышларым арасында бәхәс купты. Берсе әйтә: «8 март - бө­тен хатын-кызларның да бәйрәме», — ди. Икенчесе аның белән килешми: «Юк, ул бары тик әниләрнеке генә, чөнки бала тапкан кеше ге­нә чын хатын-кыз».

Мин шәхсән үзем 8 март бәйрәмен өнәп бетермим. Нишләп әле безгә ниндидер алман хатыны Клара Цеткинның туган көнен хатын-кызлар бәйрәме итеп такканнар? Бәйрәмнәргә исем кирәк булса, безнең үзебезнең дә милли кызларыбыз, әйтик, Сөембикәләребез бар. Ярар, сүз бу хакта түгел, сүз танышларым­ның бәхәсе турында иде бит. Бала тапкан һәрбер хатын-кызны, авыз тутырып, «ана» дип әйтү дөреслеккә бигүк туры килми шул әле. Тормышта моңа мисаллар җи­тәрлек. Аракыны баладан артыграк күргән сәрхуш хатыннар, тудыру белән на­расыен сырхауханәләрдә ташлап киткән таш бәгырьләр — әзмени андыйлар тирә-ягыбызда! Кызганыч, күп, бик күп.

Ә бу хәлне миңа бер ханым сөйләде. Исемен, үзгәртеп, Фагыйлә дип куям. Тапкач та, әнисе аны төн йокыларын бүлеп бакмый, баласын әнисенә калдырып, күз күрмәгән якларга юл тота. Шуннан соң эзсез югала. Дөрес, онытылганда бер аңардан котлау открыткалары килгәли. Алар йә Казахстаннан, йә Үзбәкстаннан, йә Себердән була. Күчмә кош диярсең, бүген — бер, иртәгә икенче тарафка оча. Кызының хәле белән кызыксынмый ул. Хәтта хәлләрен сорашып хат та язмый. Ярдәм итү турында әйтәсе дә юк. Әни карчык бу балага нәрсә ашата, ничек киендерә икән дип борчылмый, димәк. Кыз үсә-үсә дөньяда «әни» дигән зат барлыгын белә. «Кайда минем әнием? Ник ул кайтмый?» — дип әбисен тинтерәтә башлый. Кечерәк вакытта әбисе аны: «Кайтыр, кайтыр», — дип юата, ә үскәч, чын дөресен сөйләп бирә. Алай да Фагыйлә һәркөнне әнисен көтә. Мәктәпне тәмамлап, өлгергәнлек аттестаты алгач та, әни кеше кайтып керер, «Кызым, син шулай зур үстеңме инде?» — дип сокланыр кебек тоела. Юк шул, әнисе кү­рен­ми. Аннан Фәгыйлә Чаллыга институтка укырга китә. Әти-әниле кызлар кебек матур киенеп, тәм­ле ашап уку, әлбәттә, аңа тәтеми. Әби һәм онык, пенсия акчасын икегә бүлеп, авырлык белән генә тормыш итәләр. Биш ел буе авылдан бәрәңге ташып укый Фагыйлә. (Юлларда авыр- авыр сумка күтәреп йөргәнгәдер, мөгаен, куллары бүген дә сызлый икән.) Ятимлекнең әчесен-төчесен артыгы белән татыса да, кыз үз хә­лен ятларга сиздерми, шат күңелле булып, концертлар куеп, биеп-җырлап китек дөньясын тү­гәрәкләргә тырыша.

Институттан ул туры үз­ләренең авылына, мәктәпкә укытырга кайта. Нәкъ шул көнне хат ташучы аларга телеграмма китереп бирә. Укый да шакката әби белән онык. Телеграмманы Ерак Көнчыгыштан сырхауханә хирургы суккан. «Фәлән Фәләнованың хәле авыр, тизрәк килегез», — дигән. «Әнигә нәрсәдер булган, әби, — ди Фагыйлә, — нишлибез инде? Каян юл­га акча табыйк икән?» «Акча тапсаң да, мин сине җәһәннәм читенә җибәрмим, — ди карчык. — Ул сиңа әни түгел. Әнкәң юк синең». Күрәсең, җилбәзәк кызына карата әбисенең бәгыре каткандыр, ә бәлки оныгын япа-ялгызы юлга чыгарып җибә­рергә курыккандыр. Фагыйлә, әлбәттә, әбисенең хәер-фатыйхасыннан башка юлга чыкмый. Карчык бит аңа әтисен дә, әнисен дә алмаштыра. Кызны кагып-сугып үстерми ул, кирәксә, аңа йөрәген ярып бирергә әзер тора. Аның өчен бер­дәнбер шатлык, бердәнбер яшәү мәгънәсе оныгы Фагыйлә була. Кыз да әбисен үлеп ярата. Әкрен генә еллар уза. Фагыйлә мәктәптә укыта, хезмәт хакына кием-салым алып өстен бө­тәйтә, ятимлек тә бераз онытыла төшә. Камил исе­мле, уңган, тәртипле авыл егете белән алар уртак оя коралар. Үз куллары бе­лән йорт салалар, мал-туар асрыйлар. Бер-бер артлы дөньяга балалар туа. Фагыйләнең бөтен хыяллары тормышка аша. Аның түгәрәк гаиләсе бар. Балаларының «әти-әни» дип өзелеп әйтерлек кеше­ләре бар. Ятимлек дигән хәсрәт ке­нә тәрәзә кага күрмәсен.
 
Әнисен алмаштырган әби оныкның балаларын да үстерергә булыша. Фагыйләгә 40 яшь тула. Менә шулай тыныч кына яшәп ятканда... нәрсә була дисезме? Кырык елдан соң, илләр-җирләр гизгән, ләкин беркайда да төпләнә алмаган күке әни сыңар чемоданын күтә­реп кызы янына кайтып төшә! Картлык көннәрен баласы янында үткәрергә дип. Тик Фагыйлә аңа ничек дип эндәшергә дә белми. Әни дисәң — әни түгел, әни димәсәң — әнидер кебек..
 
 

Нәбирә ГЫЙМАТДИНОВА
Татарстан яшьләре
№ --- | 04.10.2021
Татарстан яшьләре печать

Фикерләр

Исем:
E-mail:
Текст:
 
▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar