поиск новостей
  • 30.11 "Җинаять һәм Җәза", 12+, Минзәлә татар дәүләт драма театры, 15:00
  • 01.12 "Про моря и про маяк.Про мальчиша", 8+, Әкият курчак театры, 11:00
  • 01.12 "Хуш, авылым.Хыял", 16+, Камал театры,14:00
  • 01.12 XIII Бөтенроссия яшь режиссура фестивале ачылышы, "Камыр батыр", 6+, Кариев театры, 17:00
  • 02.12 "Иваново детство", 14+, Казан яшь тамашачы театры, 18:30
  • 02.12 "Адәмнәр",16+, Әкият курчак театры, 18:30
  • 03.12 "Кроткая",16+, Әкият курчак театры, 15:00
  • 03.12 "Таң вакыты",16+, Камал театры, 15:00
  • 03.12 "Сиротливый запад", Кариев театры, 18+, 18:00
  • 04.12 "Алмачуар", 6+, Кариев театры, 15:00
  • 05.12 "Цацика идет в школу", 6+, Кариев театры, 13:00
  • 05.12 "Шобага", 12+, Кариев театры,18:00
  • 11.12 «БОЛГАР РАДИОСЫ»НЫҢ IX МИЛЛИ МУЗЫКАЛЬ ПРЕМИЯСЕ ОНЛАЙН! "ТНВ-ТАТАРСТАН" һәм "ТНВ-ПЛАНЕТА" телеканалларында!
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 28 Ноябрь
  • Гадел Кутуй (1903-1945) - язучы
  • Кәрим Хәкимов (1882-1938) - дипломат
  • Әсхәт Якушев - көрәшче
  • КАЗАН ШЭХЭРЕНДЭ КАР КОРЭУ, ГРУЗЧИК, ГАЗЕЛЬ ХЕЗМЭТЕ КУРСЭТЭБЕЗ. 89196271171
  • требуется дворник,центр Казань, 89377734777, в день2-3 часа
  • ДВОРНИК ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Яхшы хэлдэге " Рубин 6" баян сатыла. Бэясе- 15000 сум. Тел: 89196439407
  • Гитара сатып алам 89274846434 Актаныш
  • Общежитиедә бүлмә снимать итәм, Авангардная, Техническая урамнарыннан.(Хозяйкадан)89274823084
  • Актаныштан йорт яки 2-3 булмэле квартира сатып алабыз тел 89506668765
  • Куплю гитару Актаныш 89274846434

 

 
 

 
Архив
 
14.10.2021 Мәдәният

Нуретдин Нәҗмиев: Хәзер уйлыйм да шаккатам, ничек шулай әрсез булганмын

Татарстанның халык артисты Нуретдин Нәҗмиевка 5 октябрьдә 75 яшь тулды. Театрда 56 нчы сезонын эшли ул. Шул вакыт эчендә 100 дән артык роль башкара Нуретдин абый. Бүген дә театр дип җан ата.

— Нәселебездә бер артист та юк. Ара-тирә авылга килгән үзешчәннәр уйнавыннан күреп кызыкканмындырмы, белмим... Әмма шулхәтле театр артисты буласым килде, — ди Нуретдин абый. — Эшкә чын күңелдән бирелгәнбез. 75 яшькә җиткәч тә, сәхнәне калдырасым килми. Театрдан китеп, бүген өйдә бикләнеп утыруны күз алдына китерә алмыйм. Минем өчен ул мең газап булыр иде.

 
Нуретдин абый Балык Бистәсе районы Балыклы Чүкәй авылыннан. Үзен табигать баласы дип йөртә. “Өебезгә 500 метр гына булган урманнан кайтып керми идем. Ул сулык, чишмәләр...” — дип искә ала. Кызганыч, бүген төп нигезе буш. Гаиләдә тугыз бала булганнар. Хәзер икәү генә, бертуган сеңлесе Алабугада гомер итә. Нуретдин абый — төпчек бала. 14 яшькә хәтле авылда яши. Җидееллык мәктәпне тәмамлагач, Казанга чыгып китә.
 
— Без — дини нәсел. Элек кулак нәселе булганбыз, әби-бабаларыбызны авылдан сөргәннәр. Кулак дигән сүз колакка ятышлы түгел, ничә буынга ябышып кала. Безгә дә җиңел булмады. Шулай да бирешмәдек, — дип сүз башлады Нуретдин абый. — Әтигә бер-бер артлы биш хатынга өйләнергә туры килгән. Бу азынып йөреп, хыянәт итеп түгел, язмыш мәҗбүр иткән. Беренче хатыны да, икенчесе, өченчесе дә бала тапканда үлгән. Ачлык, хәерчелек вакыты... Яңа туган баланы үстерергә кирәк. Әтигә шуңа кабат-кабат хатын алырга туры килгән. Әни әтидән
20 яшькә кечерәк. Ул без биш баланы дөньяга китергән. Әтием бик әйбәт кеше иде. Тугыз бала туган җанлы булып үстек. Әни 94 яшьтә вафат булды. Әти 63 яшьтә китеп барды. Бик күп газап күргән, шуңа гомере озын булмады.

— Нуретдин абый, артист юлын сайлау нәрсәдән башланды?
— Бервакыт безнең клубка артистлар килде. Кечкенә буйлы, бик тере, чая идем. Оялмыйча сәхнә артына кереп, Фәтхерахман Әхмәдиев белән таныштым. Хәзер уйлыйм да шаккатам, ничек шулай әрсез булганмын. Әй кызыга идем гармунда уйнауларына, җырлауларына. Ә Казанда кичке мәктәптә укый башлагач, очраклы гына Таһир Якупов белән очраштым. Аның тәкъдимнәре дә этәргеч биргәндер. 1965 елда Яшь тамашачы театрына Минзәлә театры гастрольгә килде. “Уракчы кыз” спектакле барганда, сәхнә артына кердем һәм аларга теләгемне җиткердем. Икенче көнне сәгать унга чакырдылар. Оялып тормаганмын, хәзер андый түгелмен (көлә).
 
— Һәм театрга алдылар да, әйеме?
— Шул ук елның ноябрендә Минзәлә театрына кабул иттеләр. Шәкерт шикелле, матрас, юрганымны алып, чыгып киттем. Ул чакта бик ерак ара кебек иде. 24 кешелек самолет белән килеп төштем. Барып җитсәм, ни күрим, анда Казандагы кебек трамвай да, троллейбус та юк икән. Авыл өйләре каршы алды. Эчкә корт керде. Әмма эшкә керешкәч, шулхәтле тиз ияләштем. Андагы артистларның осталыгын, җылылыгын, гадилеген, ярдәмчеллеген сөйләп бетерә торган түгел. Бүген дә сагынып искә алам. “Ана йөрәге” спектаклендә Шофер ролен бирделәр. Репетицияләр башланды. Бик теләп эшләдем. Әмма укыйсым килде. Казан театр училищесына укырга кердем. Кире кайтам, дип киттем. Стипендия белән генә кыенга туры килер иде. Минзәлә театры миңа студент чорында хезмәт хакы түләп торды. Диплом алгач, яңадан шунда кайттым. 1976 елда китәргә туры килде. Казанга кайткач, Күчмә театрда эшли башладым. Элек күргәннәр... Буранлы гастрольләрне һич онытасыбыз юк. Сабыр булганбыз. Хәзер театрда җәннәт, бөтен мөмкинлекләр бар.
 
— Өйдә китапханәгез бик бай. Шулай күп укыйсызмы?
— Әллә ничә төрле татарча газета-журналлар яздырып алам. Хатыным, ярты пенсияң шуңа китә, ди. Почтада үземә абонент тартмасы ачтырдым. Гастрольләргә чыгып киткән чаклар күп. Шунда җыелып тора, уңайлы. Өйдә китапларым күп. Сатылмый торган китаплар өчен дә эчем поша. Әле Спас районы Чәчәкле китапханәсенә 250 ләп китап бирдем.
 
— Сез бик оста гөмбәче дә бит әле. Быел сезонны ачтыгызмы?
— Әйткәнемчә, табигать баласы бит мин. Балачактан бөтен гөмбәне аерырга өйрәнеп үстем. Үзем җыям, эшкәртәм, маринадлыйм, тозлыйм. Әйтеп бетергесез рәхәт эш бу. Тынычландыра, ял иттерә. Авылга кайткач, урманны әйләнеп кердем. Бераз майлы гөмбә җыйдым. Тагын барырга ниятлим.

— Рульдә йөрмисезме?
— Юк. Кирәген дә тапмыйм. Безнең буын артистларның күбесендә машина юк. Кирәк җиремә җәмәгать транспортында барам. Авылга кызым, киявем алып кайта.
 
— Юбилейга әзерлек ничек бара?
— Бәйрәмнәрне кечкенәдән яратмыйм. Туган көнгә дә исем китми. 15 октябрьдә театрда сәхнәдә үткәрәчәкбез. “Гомер буе сине көтәм” премьера спектаклен тәкъдим итәбез. Иҗатташ дуслар, туганнар, якыннар шунда киләчәк. Туган ягымда да шулайрак уздырырга ниятлим.

Лилия ЙОСЫПОВА
Ирек мәйданы
№ --- | 14.10.2021
Ирек мәйданы печать

Фикерләр

Исем:
E-mail:
Текст:
 
▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar