поиск новостей
  • 22.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:00
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
04.07.2011 «Яшьти» әдәби сәхифә

Яшьти Алинә Васильева

Туган елы: 26 октябрь 1991 нче ел.

Туган җире: Мамадыш районы Дүсмәт авылы.

Укый: Казан федераль университетының Алабуга филиалы.

Яраткан шөгыле: журналистика, психология һәм немец телен өйрәнү.

Яраткан китабы: Нәби Дәүли “Кояшка таба карап”

Хыялы: үземнең китабымны чыгару. Аның хәтта исемен дә уйлап куйдым...

 

 

 

 

 

ЯЗЫМДА КАЛ

 

Син килдең кабат күңелемә,

Гашыйк иттең, яраттың.

Гөрләвектәй хисләр белән

Мине үзеңә караттың.

Тамчы кебек таммас яшем-

Җырга салынган алар.

Йөрәктә сөю, дәрт тулы,

Мине тик аем аңлар.

Серемне син чишим дисәң,

Кал син бары язларда.

Мәңге сүнмәс мәхәббәтем,

Син булганда янымда.

 

СӨЮ ТУЗГАНАКЛАРЫ

 

Тузганактан тәкыя үрдем-

Сөюемнең билгесе.

Һәрбер таҗында салынган

Хисләремнең өлгесе.

Тузганактан тәкыя үрдем

Йөрәкләр кушылганда.

Сары төс сагышка икәнен

Онытканмын шул чакта.

 

УЯНЫРГА ВАКЫТ

 

Гасырларда халык авазлары

Ишетелә әле һаман да.

Йөрәк тетри, хафалана дөнья,

Хатирәләр уяна җанда.

Богау салган муенына халкым

Таудан өстерәлә түбәнгә.

Горурлыгың кайда икән, татар?

Җавап бирмәс безгә беркем дә.

Кояшлы көн төнгә алмашына,

Туган җирем ямьсез бер китек.

Йокыга талган, газиз халкым минем,

Уянырга вакыт җитте кебек.

 

ХАЛКЫМ ЙОЛДЫЗЫ

 

Югарыдан сәлам бирә

Туган илем әләме.

Татарның бар мактанычы

Дәүләтнең бар теләге -

Кызыл, яшел, ак төсләре

Бар дөньяга кул изи.

Булган һәрбер теләген ул

Барча халкыма сөйли.

Яшел- өмет билгесе дип,

Милләткә ирек баглый.

Кызыл- яшәү мәгънәседәй

Халкыма даннар җырлый.

Ак төс- милләт пакълыгы ул

Илгә бәхет юллый ул.

Халкым өчен мәңге шулай

Югарыда балкыр ул!

 

МӘХӘББӘТ АҢЛАТУ

 

Мин сине көтәм... Синең яратуыңны, синең тәүге тапкыр миңа “Яратам!” - дип әйтүеңне. Беләм, болар тормышка ашмас хыяллар, тик шашып сөюче, син дип кенә тибүче йөрәкне мин нишләтим. Көн тууга синең исемең белән уянучы күңелгә нишләргә? Җавап бир!.. Беләм, син җавап бирә алмыйсың...чөнки үзең дә бу сорауга җавапны беркайчан да тапмаячаксың. Күңелең дә, йөрәгең дә мине көтә... Тик кыю булмаган егет йөрәген нишләтергә? Бу сорау да ачык булып кала бирә...

 

Уйлар, уйлар... Бер- бер артлы салмак кына туа торалар һәм бер-бер артлы юкка да чыгалар. Мәхәббәт, сөю, хисләр... болар барысы да уйландырырга мәҗбүр итүче тормышның мизгелләрен ялгаучы муенсаның төймәләре. Алар төшеп югалмасын өчен без аларны якын кешеләргә сөйлибез, сер итеп кенә фикерләребез, уйларыбыз белән уртаклашабыз. Сер итеп кенә аларны шигырьләребезгә, җырларбызга күчерәбез...

 

Дөньяның һәрбер ваклыгы да кайчагында уйландырырга мәҗбүр итә. зәп-зәңгәр күзләр чоңгылында бер бәйләм уй- фикерләр диңгезе җәелеп ята. Уйчан бу күзләрдә шуның кадәр уйландырыга мәҗбүр итүче сәбәпне тизрәк эзли башлыйсың...Әй, шул мәхәббәттер инде, дип әйтеп куясың.Үзең яратасың, ә үзең шул сөю хисләреннән үзең дә көләсең. Бик кызык... Әйе, күңелне һәрвакытта да аңлап булмый шул... Кача, хисләр кайвакытта күңелнең бер почмагына кереп яшеренә. Син эзлисең, эзлисең...һәм бер заман аннан матур чәчкә кебек аткан мәхәббәт шәүләсе күренә. Һәм шул вакыттан эчке дөньяңнан акрын гына чишмә кебек моң агыла башлый...Бу мәхәббәт моңы...Бу Таһир һәм Зөһрә сөюенә тиңләрлек мәхәббәт тарихы башлану дигән сүз.

 

Җаның-тәнең аны күргән саен эри, йөрәгең дөп-дөп тибә... Син бары тик шушы мәхәббәт белән генә яши башлыйсың. Көннәр- төннәр буе бары тик аның хакында гына уйлыйсың. Эх, мәхәббәт дигәннәре! Җанны өшетерлек һәм шул ук вакытта кайнар ялкынында янарга мәҗбүр итүче хисләр ташкыны...

 

Син, бары тик син миннән шагыйрә һәм язучы ясадың. Беренче тапкыр кулыма каләм алып, хисләремне шигырь юлларына тезеп, ак кәгазь битенә хисләр тулы сурәтләәр төшерергә ярдәм итүче - ул син! Шушы көннән алып, хисләр дәрьясы минем иҗатымда чагыла. Әгәр дә син минем мәхәббәтем, хисләрем хакында белергә теләсәң- минем шигырьләремне укы! Һәм....берни дә әйтмә...юк, әйтмә...Синең әйтәсе сүзләрең бары тик сер генә булып калсын.Әгәр дә инде миңа карата синең хисләрең булса...минем белән уртаклаш... Ләкин алар шигырь юллары белән булса, яхшырак булыр дип уйлыйм... Роман, әкият, хикәя геройлары, мәңге сүнмәс мәхәббәт парлары да бит шигырь юллары белән аңлашкан.

 

Мин синнән кочак-кочак шигырьләр көтеп калам...Чын сөю белән үрелгән иҗат җимешләре озак көттермәс дип уйлыйм

 

БЕРЕНЧЕ МӘХӘББӘТ

 

 Тормышның бар борчуларына алданып, һаман да мәш киләбез, яратабыз, сагышланып, кайгы я бәхет диңгезенә кереп чумабыз.Шулай итеп бер гомер: яшьлек, картлыгыбыз үтә дә китә. Кайберәүләр вакытны юкка сарыф итми, җәмгыятькә бер генә булса да файда китереп үткәрә, ә кайберәүләр тормышның бар ямен, гүзәллеген күрмичә алдап-алданып яши. Нәкъ менә соңгылары хәзерге заманда күп шул...

 

 Бүгенге повестемнең әсәре-Камилә бер дә тормышының матурлыгын күрми, вакытын юкка үткәрүчеләрдән түгел. Нечкә күңелле, юмарт, чибәр, акыллы бу кызчык бар эшен вакытында үтәп, туганнарына, дусларына ярдәм итеп, аларга бәхет өләшеп яши...

 

Кайда син мәхәббәт?..

 

 Яз да килде... Кошлар сайравыннан, кояшның җылы, ягымлы елмаюыннан күңеллләр гел дәртләнеп китә иде. Йөрәк урамга талпына, ул яратырга теләп, күккә таба ашкына.

 

 Эх,бу вакытта бер дә укыйсы килми шул! Күбәләк кебек гел бөтерелеп биисе, җырлыйсы килеп тора...Һәм, әлбәттә, иң мөһиме яратасы-яратыласы килә. Нәкъ менә шушы гүзәл мизгелләрдә үзеңне ялгыз итеп тою, дәрестә хыялдан үргән тәкыяң өзелә дә куя... Күзгә яшь тула, елыйсы килә башлый. Тирә- якта утыручы сыйныфташларыңа карап куясың...

 

 -Эх, яратасым килә, - дип уйлап куйды Камилә дәфтәр битенә кызыл төстәге каләм белән йөрәк ясый-ясый.

 

 Камиләнең дус кызларының барысының да егетләре бар, шуңа күрә дә кызчык бераз кайгыра, моңая иде. Бу араларда язган бар шигырьләре дә мәхәббәт, ялгызлык турында.

 

 - Яз була торып ничек яратмау кирәк? Эх, син тиле йөрәк! Яратасы килә дип шашынасың бугай инде. Күңелем дә әллә нишли, бөтенләй үк күктә оча. Имтиханга әзерләнү урынында мәхәббәт турында уйлап утырмасаң-башка эшең беткәндер шул, Камилә. Тәк- тәк, дәресне тыңлап утырырга кирәк...Йә Аллам, укытучы апа нәрсә сөйли соң? Йөрәк бер дә тыңламый шул. Ул хәтта акылдан да көчлерәк икән...-дигән уйлары белән кызый тәрәзәдән урамны күзәтүен дәвам итте. Монда да ыгы-зыгы. Бөтен кеше каядыр ашыга. Берсеннән- берсе узыша-узыша апа- абыйлар каядыр йөгерәләр, ашыга-ашыга атлыйлар.

 

 Кинәт Камиләнең күзе мәктәп ишегалдында китап укып утыручы егеткә төште. Кара чәчле, төз генә гәүдәле бу егет кызга бик тә чибәр күренде. Камиләгә кызык булып китте. Ул егетнең янәшәдә торган спорт сумкасын күреп алды. “Спортсмендыр, ахры”, - дип уйлап куйды кызыкай. Кинәт үзе дә сизмәстән, Камилә елмаеп куйды. Кызның бер-бер артлы ташкын булып аккан уйларын татар теле укытучысы Фирая Зыятдиновна бүлде:

 

- Камилә, нәрсә булды сиңа бүген? Күктә очып йөрисең. Яз дигәннәре бигрәк нык тәэсир иткән, ахры,- дип, йомшак кына укытучы кызны орышып алды.

 

 “Эх, син минем урында булып кара идегез... Яратыласым килә бит минем, гашыйк буласым килә....” Эченнән генә уйлап куйган бу сүзләрне Камилә бар дөньяга кычкырасы килде. Шулай итеп, күңелендә яшеренгән бар авыр уйларны ул тышка чыгарасы килде.

 

Күптән көткән танышу

 

 Камилә дәресләр бетүгә, тиз генә китапларын җыйды да, ашыга-ашыга өйгә таба юл алды. Уйга баткан, башын аска игән килеш ул озак атлады.

 

 Тагын бераз гына калды... ә аннан соң... депрессия дигәннәре башланыр, ахры, Камиләдә...

 

 Кинәт аңа кемдер килеп бәрелде. Камләнең кулы сулкылдап-сулкылдап авыртты. Ул сыгылып төште... Авыртудан нәрсә эшләргә белми Камилә тешләрен ныграк кысты.

 

 - Гафу ит! Мин теләмәгән идем...

 

 - Юк, берни дә булмады...Кайгырмагыз... - дип эндәште аңа Камилә, авыртынып.

 

 -Әйдәгез, сумкагызны булса да алып кайтышыйм ичмасам. Күреп торам бит - нык авырта. Гафу итегез, зинһар! Мин сезнең алдыгызда бик тә гаепле, - диде егет, кызга торырга булышып.

 

 Камилә киемнәрен кага-кага җирдән торды һәм егеткә рәхмәт әйтер өчен егеткә карады. Ә монда... теге егет... Нәкъ менә дәрестә күпме күзәткән һәм Камиләнең йөрәген бераз гына тибрәндереп алган егет бит бу! Ул нишләргә белмәде, югалып калды.

 

 - Ул сез мине гафу итегез! Мин бит монда кеше күрми, хыяллар дөньясына чумып, очып йөрим, - дип акланырга кереште Камилә. – Булышуыгыз өчен рәхмәт, - диде кыз бераз гына оялып. Бу вакытта хәтта Камиләнең бит очларында кечкенә генә кызгылт тимгелләр бүртеп чыкты.

 

- Ярый соң, әйдә, танышыйк. Мин Айдар булам.Ә синең исемең ничек була?- дип егет кулын Камиләгә сузды.

 

- Мин Камилә- дип җавап бирде ул һаман да оялуын дәвам итеп.

- Бу мәктәптә укыйсыңмы әллә?

 

- Әйе. Ә син? - диде Камилә бераз кызыксынып.

 

- Мин университетта укыйм. Ә монда минем әнием укыта. Бәлки, син аны беләсеңдер дә әле? - диде Айдар бераз елмаеп.

 

- Исеме ничек соң?

 

- Фирая Зыятдиновна...

 

- Беләм, әлбәттә. Әле генә әниеңнең дәресе иде,- диде Камилә яңа гына белгән яңалыгыннан.

 

- Әйдә, озатам үзеңне. Сумкаң бигрәк авыр. Авырткан кулың белән моны күтәреп кайтып җитә алмассың дип куркам,- дип елмайды Айдар.

 

Камилә дә карышмады. Бик теләп риза булды. Алар көлешеп, сөйләшеп ничек кайтып җиткәннәрен сизми дә калдылар. Айдар Камиләнең телефон номерын алып калды.”Тагын очрашырбыз дип уйлыйм. Син бик сөйкемле...”- диде аңа егет.

 

 

Гашыйк булудыр бу, ахры...

Йөрәкне урлады хисләрең

Тик сиңа талпына йөрәгем...

А.В.

 

...Камиләнең киче бүген Айдарны уйлап узды. “Тагын очрашырбыз... Син бик сөйкемле”- дигән сүзләрне ул кат-кат исенә төшерде.

 

“Йә Аллам, ни булды миңа бүген? Әллә... гашыйк булдым инде... Юк, бу мөмкин түгел... Бер тапкыр күргән кешене ничек ярату кирәк?” - дигән уйлар аны кич һәм төне буе нык борчыды.

 

Иртән Камиләне телефонына килгән смс тавышы уятты. “Кем булыр инде бу шулай иртә?” - дип киреләнә-киреләнә кызчык телефонына үрелде.

 

Камиләгә “Хәерле иртэ! Хэллэрең ничек?” - дигән Айдарндан смс килгән иде. Вакыйгаларның болай кискен генә үзгәреп куелыуына Камилә, әлбәттә, сөенә иде. Тик Айдар аннан көлеп яисә уйнап кына йөрми микән соң? Беренче гашыйк булу бар микән соң? һәм башка, һәм башка сораулар Камиләне борчуга салды. Смайликлар белән бизәлгән смскага кыз бары тик ярты сәгатьтән соң гына әйләнеп кайтты. Җавап бирмәү ялгышлык булып тоелды. Камилә ашыга-ашыга: “Сәлам! Яхшы. Үзеңнеке?” -дигән юллар белән җавап язып җибәрде.

 

Шулай итеп Айдар белән Камилә арасында смс язышу көне буе дәвам итте. Тормыш, бәхет һәм, әлбәттә, мәхәббәт турында сүз куертып алдылар алар.

 

* * *

 

Җаның талпынып-талпынып тышка чыгарга теләсә, тирә- ягың гел матурлыктан гына тора дип уйласаң, ямь- яшел чирәмле сукмактан атлап түгел, ә сикереп узсаң...һәм башкалар һәм башкалар- димәк, син гашыйк, димәк син мәхәббәт учагында дөрлисең, аның дулкыннарында салмак кына тирбәләсең...Һәм сиңа башка берни дә кирәк түгел... Бары тик сөйгән ярың, иксез-чиксез хисләрең һәм мәңге сүнмәс мәхәббәтең генә... Дулкынланган тавыш бары тик бер сүз генә кабатлый - “Мин яратам сине!” һәм нәкъ менә шушы сүздән соң син үзеңне дөньядагы иң бәхетле кешеләрдән саныйсың. Чөнки син яратасың, яратыласың... Сине яратуларын тоеп яшәү- ул үзе бер зур бәхет. Шул бәхет дулкынында тирбәлү- ул үзе бер сөенеч...

 

* * *

 

Камилә иң-иң матур күлмәкләреннән берсен сайлап алды. Озын кара чәчләрен матур гына итеп үреп, иңнәре өстенә салды. Иреннәренә алсу төстәге иннеген тидереп алды. Менә ул әзер дә. Әйе, көтеп алынган беренче очрашу. Камилә дулкынланудан нишләргә дә белмәде.

 

Кинәт ишектә кыңгырау чыңы ишетелде.” Абау, Айдар килеп җитте. Үзеңне кулга ал, Камилә!” - дип, кызчык үзен тынычландырырга тырышты. Тик ни файда? Хисләрдән менә-менә түгеләм дип торган йөрәк нишләсен? Дулкынланудан менә-менә сикереп чыгам дип торучы йөрәк ни кылсын? Берни дә... бары тик көтәсе генә кала. Тормышның үз сынавы. Ул барысын да үзе эшли. Һәркемгә дә мәхәббәтне, кайгыны һәм бәхетне тигез бүлеп бирә. Тик бөтен әйбернең дә үз вакыты, үз урыны. Аны бары тик сабыр гына көтә белергә кирәк. Аңа ышана белергә кирәк...һәм, әлбәттә, хыяллана белергә кирәк... Бары тик шул вакытта гына син үзеңнең хыялларыңа ирешә алырсың. Тормышның матурлыгын бары тик шул вккытта гына тоярсың...

 

Камилә дулкынлана-дулкынлана ишекне ачты. Аның каршысында кулына роза чәчкәләре тоткан Айдар басып тора иде.

 

- Сәлам, Камилә! Бу матур чәчкәләр сиңа - чибәргә! - дип, егет букетны Камиләгә сузды. -Бүген сине, минем алиһәм, табигатьнең иң матур җирләреннән берсенә алып барасым килә. Ничек уйлыйсың? - дип Айдар елмаеп, кызга кулын сузды.

 

Камилә югалып калды. Минем алиһәм, чибәрем дигән сүзләрне ул беренче тапкыр ишетә... Бу сүзләр кызның күңеленә сары май булып ятты... Болай да дулкынланудан дер-дер килгән куллары нишләргә дә белмәде.

 

- Яхшы.Тик розаларны мин тиз генә вазага утыртыйм инде. Алайса шиңүләре бар, - дип, кызчык егеткә җавапны елмаю белән кайтарды.

 

* * *

Айдар Камиләне шәһәрнең иң матурлардан саналучы паркка алып килде.

 

- Бу минем иң яраткан җирем. Җаныма урын тапмасам, үземне ялгыз итеп хис итсәм - мин монда киләм. Монда килеп бушанам... Менә шушы елгага карап, уйларымны алга таба йөздереп җибәрәм. Хыялларыма чумам. Ә син беләсеңме, Камилә- мин гашыйк булдым. Ул чибәр, акыллы кызыкай мине үзенә әсир иттереп, мине мәхәббәт учагында дөрләргә мәҗбүр итте. Син беләсеңме - ул мине акылдан яздыра. Мин тилерепеп-тилереп гашыйк булдым. Ә бу кызыкай... минем йөрәгемне кисәкләргә бүлгәүче-ул син... - Айдар Камиләне биленнән кочаклады.

 

Камилә нишләргә дә белмәде. Күпме көтте ул бу сүзләрне!..Әйе! Әйе! Ул да ярата... Камиләнең Айдарны кысып-кысып кочаклыйсы килде. Тәүге мәхәббәт сүзләре, тәүге хисләр... Барысы- барысы Камиләгә яшәргә көч өстиләр иде.

 

Айдар куллары белән аның битен тотты. Ул салмак кына Камилә таба иелде. Һәм... аның иреннәренә кагылды. Тәүге үбешү! Камилә өчен беренче үбешү! Ул хисләр дәрьясында тибрәнде. Алар икесе дә мәхәббәт ятьмәсенә эләктеләр.

 

Айдар белән Камилә бүген бу дөньяда икесе генә. Алар бүген гашыйклар дөньясына чумдылар... һәм мәңгегә...

 

Бер-берсенең кулларын тотып, күктә ялгыз айга карап: ”Мәңгегә!” - дип пышылдадылар...


Сәхифәнең авторы Ләйсән ФӘТХЕТДИНОВА
Матбугат.ру
№ |
Матбугат.ру печать

Фикерләр

Исем:
E-mail:
Текст:
 
№54 (776195) / 26.07.2011 16:01:13

Горчичник, иҗади кеше яза-яза үсә ул. Әгәр ошамй икән, нигә авторны кимсетергә???
һәркемнең үз нәзакәте.

№53 (775157) / 10.07.2011 17:51:36

А.В, мин сиңа бераз сабыр һәм тыйнак булырга киңәш итәм. Ә шулай да, яшьлек яшьлек инде ул. Күңелеңне төшермә. Киресенчә, эзлән, тап һәм яз.

№52 (775085) / 09.07.2011 00:01:41

Хе-хе-хе,мескенкәем,хет язмау кирәк иде.Гупчим то,аннык баш та кирәк шул,ә монда җилләр искәне күренеп тора.Смайликның үзеннән көлгәнен дә аңламагач...

№51 (775061) / 08.07.2011 18:52:54

Алинә,син -йолдызчык!Элек октәрбрәтләр тага торганы...

№50 (775051) / 08.07.2011 17:54:03

Мин уземне элегэ кадэр йолдыз дип атамый идем,хэзер атыйсы булыр, ахры...

№49 (775049) / 08.07.2011 17:34:24

"Ошамаса икән укымагыз"-бу да булса сүз.Ә син А.В. ошатырлык итеп яз,или язма-җыен килде-киттене.Теләсә нәрсә яздым да йолдыз булып янам дип борын чөердең,ә?...

№48 (775017) / 08.07.2011 08:05:08

Карагыз әле, җәмәгать, бәйләнер урын булмаганда да бәйләнеп утырмагыз инде. Әнә, "печән базарына" яңа шедевр элгәннәр, сүгенә-сүгенә укып чыккач, язар теләгегез калса, языгыз шунда... "Печән базары" димәктән, анда, шул Сәйләннән кала, укырлык әйбер язучы булмады ахыры...

№47 (774996) / 07.07.2011 21:36:33

Нәмә Әлүнә шулай була ул тишектән коелса \"әсәр\"ләрең..Ошый дип язучылары да үзеңнең куштаннарың гына.Балакай,балакай,бәләкәй шул әле синең акылың..

№46 (774991) / 07.07.2011 21:14:32

Ошамый икэн укымагыз!!!!

№45 (774987) / 07.07.2011 20:44:32

Эхем-эхем, тукмакның юан башы синдә бит, оныттыңмыни?

№44 (774985) / 07.07.2011 20:38:32

Вәт-вәт-вәт!Инде тукмаклый да башладылар...

№43 (774984) / 07.07.2011 20:00:09

Уф А.В.бу комментларың белән укшытас ың,дәшмәс кирәк тә бит,аннык баш бирмәгән бер ходай.Нур-улы белән Сәйләннән үрнәк алу мишәйтләмәс...

№42 (774950) / 06.07.2011 23:26:13

Нур-улы, шәп.

№41 (774942) / 06.07.2011 22:18:16

Киләсең дә китәсең, киләсең дә китәсең...
(Сәйлән)

Киләсең дә китәсең, киләсең дә китәсең...
Пассажирларны утыртып кирәк җиргә илтәсең.

Сине көтәм кичләрен, сине көтәм иртәсен,
Ләкин мине утыртмыйча, сызгырттырып үтәсең.

Киләсең дә китәсең, киләсең дә китәсең...
Расписание буенча мине үпкәләтәсең.

Хәлләремне белмисең, һич тә мине күрмисең,
Эшкә шагыйрь кисәге соңга кала димисең.

Узып кит лә кабаттан, тузмас әле чабатаң:
Мин бит сине көтә-көтә, шигырьләр язып ятам.

Шигырьләремне бастырсам, бәлки булырмын мин бай,
Туктап утыртмаганыңа зур рәхмәт сиңа,.. трамвай.

№40 (774937) / 06.07.2011 21:45:47

А.В., №39 (774931) / 06.07.2011 / 15:06!

Менә монысы аңлашыла!

 

№39 (774931) / 06.07.2011 15:06:23

Калыдырмадым сине язларымда,
Сояргэ мин сине ашыктым...
Елак козлэремнэн инде туйдым,
Бэхет бакчасына ашыктым...
Тездем мэржэннэрдэн союемне
Мен мэртэбэ инде ялгыштым.
Кыска гомер агышларында кабат
Мине соясен диеп алдаштым.
тупас жаннын кабат ышанчын
Акламады сою тамчысы.
Куклэремдэ кабат сина ишарэлэп
Куркып уйный яшен камчысы...

№38 (774930) / 06.07.2011 14:57:15

Җил әкрен генә җирдә яткан сап-сары яфракларны биетә. Алар бер-берсе белән уйнап, шушы салкын көздә үзләренең кәефләрен күтәрергә тырышалар.
Ә мин акрын гына яңгыр үпкән сукмаклардан атлап киләм. Ә үзем күкне күзәтәм.Соры болытлар коточкыч бер сурәтләр ясап, каядыр агылалар, каядыр ашыгалар. Алар артыннан кошлар да каядыр оча. Күрәсең, туган якларын ташлап, җылы якка таба китүләредер. Ә күңел кояш нурларында иркәләнергә тели. Йөрәккә җылы кирәк. Куллар көзнең салкынына түзмичә, тизрәк кесәгә ашыга. Сагышка күмелгән хисләр дәрьясы күңел дә нидер тели...каядыр талпына, ашыга...Ә мин ялгыз. Елак көзнең зарларын тыңлаучы бары бер дус кына. Күпме генә көздә сине эзләсәм дә таба алмаячакмын. Чөнки безнең сөю мәңге безнең йөрәкләрдә генә яшеренеп калачак.

№37 (774929) / 06.07.2011 14:54:39

Хэрбер тубэндэ язылган комментарийлар-алар барысы да алга таба усэргэ этэреш ясый.Хэрбер эйтелгэн суз-кимчелеклэрне тозэтергэ ярдэм итэ.Ни генэ эйтсэгез дэ минемчэ дорес.Чонки яна гына ижат юлына баскан кызга усэр очен кинэшлэр, тэкыйтьлэу ярдэм итэ.Эгэр дэ ботен кешене дэ мактап кына торсак-ул зур дэрэжэгэ ирешер иде микэн сон?!Элбэттэ, юк!

№36 (774916) / 06.07.2011 08:41:44

Сәйлән

№35 (774914) / 06.07.2011 05:34:54

Син килдең кабат күңелемә,
Гашыйк иттең, яраттың.
Гөрләвектәй хисләр белән
Мине үзеңә караттың.
(Язымда кал” Алинә Васильева)


Киләсең дә китәсең, киләсең дә китәсең...
Килсәң-гашыйк итәсең,китсәң-үпкәләтәсең.

Үпкәлим киткән чакта,күрмичә үткән чакта...
Башкаларны һәр чатта “тач” та “тач” үпкән чакта.

Килсәң- тагын яратам, гашыйк булам кабаттан...
Һәм үземә каратам,ут чыгарып яңактан.

Әйтерсең ,кызган таба,икебезгә ут каба,
Төшә хәтта ботка да.,изеләбез боткадай.

Карамыйча бернигә ,җанда- хисләр дөрли дә,
Гөрләвектәй гөрли дә...,ага- калмый берни дә.

№34 (774911) / 06.07.2011 01:48:22

Матур шигъри бизәкләрдән
Тәкыяләр үргәнсең.
Ритм белән миңа гына
Урынны аз биргәнсең.

№33 (774910) / 06.07.2011 00:27:46

Алинә Васильева!

\"Язымда кал\" шигыренә карата сораулар туды:
1.\"Син килдең кабат күңелемә\" юлында кабат килү - бер онытылып яңадан искә төшүне аңлатамы?
2.\"Гашыйк иттең, яраттың\" юлында кыз белән егет бер-берсен сөяләр икәне раслана, ләкин нигә еларга кирәк (\"Тамчы кебек таммас яшема\")?
Кайгы-хәсрәт юк ич!
3.\"Гөрләвектәй хисләр\" нинди хисләр соң алар? Хисләр белән үзеңә каратып буламы?
4.\"Аем аңлар = аю аңлар\" кебек ишетелә түгелме?
5.Нигә сөйгән ярны бары тик язларда гына калдырырга кирәк булды? Хыянәтчеме әллә ул? Ташлап киттеме?
6.\"Язларда\" сүзенә нигә рифма табылмады, \"янымда\" сүзе генә кулланылды? Мәсәлән \"җанымда - канымда - янымда...\"

№32 (774882) / 05.07.2011 19:47:12

Алинә,син дога кылып "амин"нәргә ашыкма ! Әле чынлап торып өшкерү башланмады! "Әстәгафирулла"ларыңны әйттерәләр әле монда.

№31 (774879) / 05.07.2011 19:20:27

Амин, шулай булсын!

№30 (774878) / 05.07.2011 19:17:10

Алинэ эсэрлэрен ошады.килэчэк ижадында унышлар телим.

№29 (774876) / 05.07.2011 19:13:08

Синен килуенэ шатланамын,
Балкый-балкый ьиргэ кар инэ.
Бэхетлэрен кардай сина яусын
Гел бэхетле яшэ,Алинэ!
(Рифат Сэлах)

№28 (774874) / 05.07.2011 19:07:48

Бер дэ точелэну дэ, мин минлек тэ юк миндэ, Аллага Шокер!Кунелемдэ ни бар, шуны язам...кемгэ ошый алар укысыннар, эгэр дэ юк икэн-мин сезне бер дэ кочлэп укыта алмыйм.Гомумэн эйткэндэ кирэкми дэ...

№27 (774871) / 05.07.2011 18:46:10

Әгәр Наил сыман куштаннар булмаса,А.В.да болай төчеләнмәс иде.Бездә шулай инде:кемдер чүпли МРуны "яза беләм"астында,кемнәрдер "Ошаталар" шул чүп-чарны.И китә аннары мин-минлек, "миннән башка яза белүче юк" дигән уйлар.
Нишләп соң әле без язганыбызны кире үзебез укып чыкмыйбыз.Әгәр укысак,уйлар идек:бу бит чүп,миңа әле эшләргә дә эшләргә(язарга да язарга)...

№26 (774866) / 05.07.2011 17:04:34

"Уянырга вакыт", "Халкым йолдызы" ыннан кала, башкасы, һәр яшь кыз яза торган тема инде. Ә, юк яшен яшәгән, ашын ашаган Иркәнеке дә икән әле. Соры корт та, якташларын яклый ахыры. Алабугада укыган кыз булмаса, мәхәббәт шигырләренә "ач кандала" булып ябешкән бешкән булыр иде.

№25 (774865) / 05.07.2011 16:48:07

Да!га
Китап исеме башкачарак янгырый)Мин аны \"Безнен сою\" дип атамакчы идем)))

№24 (774855) / 05.07.2011 10:49:22

Язам эле язма дисэлэр дэ,
-Язма!-диеп каршы килсэлэр дэ.
-Эчке доньян-кунелендэге
Хислэренне чэчмэ!-дисэлэр дэ.
(Алинэ Васильева)

№23 (774852) / 05.07.2011 10:39:10

уЗЕМНЕН ЯЛГЫШЫМНЫ ТАНЫЙМ ХЭМ ГАФУ УТЕНЭМ

№22 (774850) / 05.07.2011 09:08:31

"Эхем-эхем белэн килешми булмас ахры..." Алинә, сәхифәгә куелган әсәрләрең бер дигән!!! Аларга сүз әйтмим. Ләкин, [Алинэ Васильева №6 (774821) / 04.07.2011 / 20:13] репликаң, шундый әсәрләр язучыга лаек түгел, әйтәсең килә икән, әйтергә кирәк, эшлисең килә икән, эшләргә кирәк... "әйтәсем килә", "бигеләп үтәсем килә" һ.т.ш. сүзләрне, тел байлыгы булмаган, дипломын сатып алган түрәләр генә файдалана...

№21 (774848) / 05.07.2011 07:53:18

Мэхэббэт тарихы.
Исендэме, гашыйк булдык?
Дэрья сулары-хислэр.
Зэнгэрсу синен кузлэрен,
Аларда минем кузлэр.
Сою ингезендэ йоздек,
Яндык кайнар учакта.
Тик кубэлэктэй булды сою,
Югалды тан чыгында.
Сине эзлэп купме язлар
Сагышланып уттелэр.
Ялгыз йорэк сине котте,
Голлэр сулып беттелэр.
Мангайда инде сырлар,
Чэчлэргэ дэ чал кергэн.
Сине коткэн яз айлары
Куптэннэн утеп киткэн.

№20 (774846) / 05.07.2011 07:43:39

Шигырьят өлкәсендә белемем булмагач,кысылмадым.
Н.Нәбиүллин белән фикерем туры килгәч,язарга булдым.Нәил язган ике шигеренең ошады.
Уңышлар булсын сиңа!

№19 (774845) / 05.07.2011 06:39:17

Афәрин Алинә! Шигырләрең матур!
бигрәктә миңа "Уянырга вакыт", "Халкым йолдызы" бик ошады! андый шигырләр күбрәк булсын иде теләктә калам!
Болай чын күңелдән уңышлар, яңа иҗади җимешләр булуын телим!

№18 (774844) / 05.07.2011 00:30:17

Бик матур хикэя.Нэрсэ турында язсын инде егерме яшьлек кыз бала ,яз тагын узеннен укучыларын табылыр осталыгын артыр синен эле барысыда алда!

№17 (774843) / 05.07.2011 00:30:00

\"Бар табигать чәчәк атты узган атна\".
(Сәйлән)

Бар табигать чәчәк атты узган атна.
Бу атнада тузганаклар бирдем атка.

Таҗлар саны егетләрне мин яраттым
Син кайсыдыр егетемнең тулпар аты.

Аптырап карады миңа бахыр бахбай:
Тузганак чәчәге таҗы булган бабай.

Тузганактай очты күккә хыялларым,
Күзләремнән аккан яшьне тыялмадым.

№16 (774840) / 04.07.2011 22:18:53

Аның каравы,китапның исеме инде әзер.Минемчә ул-"Язымда кал" дип атала.

№15 (774839) / 04.07.2011 22:14:58

Башлыйбызмы? Бу яшьләрне әйтер идем инде. Бераз гына тапталып беткән таныш рифма тезәләр дә, тизрәк китап чыгару эшенә керешә башлыйлар. Аларны кем укый дип беләләрдер билләһи. Кая инде монда яңа фикер, чурту матыр. Китап чыгаруны дан дип уйлыйлардыр инде. Башта өлкән шагыйрьләргә, тәнкыйтьчеләргә мөрәҗәгать итәргә кирәктер. Мин монда китап чыгарырлык нәрсә тапмадым.

№14 (774838) / 04.07.2011 22:11:55

Эхем котыртмаса)))) тыныч кына узып китәсе идем.))))Моңаеп утырмагыз диюем.

Болай, Алинә, язасыгыз килсә языгыз. Миңа калса дөрес сүз ишетү яхшы әйбер. Дөрес информациядән, дөрес нәтиҗәләр ясарга була. Әмма дөреслекне ачыклау бу очракта сезнең карамакка кала. Теләсәгез дөрес дип уйлагыз, теләмәсәгез -ялган дип уйлагыз.

№13 (774836) / 04.07.2011 21:47:18

Да!га өстәп.

Башлана башлады!

№12 (774835) / 04.07.2011 21:44:52

Эхем-эхем белэн килешми булмас ахры...

№11 (774834) / 04.07.2011 21:40:39

Башланды!

№10 (774833) / 04.07.2011 21:37:13

Мондый әсәрләр белән генә күк капусы ачылмый шул,яшьлек- тиле чаклык белән генә язылган.Чыгырып селкү кирәк булдымы икән,шырдый-бырдыйны кем дә яза.Ә чыгармаслык баш эшләү сирәк кешедә очрый...

№9 (774832) / 04.07.2011 21:31:28

Эхем-эхем, 

әйттерәсең инде.Ярар, плүскә язабыз:җыламаган.Икенчесе минус: иске мәәббәтне йөрәк яңарта. Кайда яңалык? Яңалыкның бөтенләй икенче нәстәләргә ишарә икәнен Сәйлән һәрвакыттагыча матур әйткән..

№8 (774828) / 04.07.2011 21:11:56

Ай,Алинә,бик алдан рәхмәтеңне белдерәсең әле .син кызый!Монда әллә нинди талантларны башта мактап ,аннан бклап куйдылар инде.Сине дә шулай әвәләмәгәйләре...

№7 (774824) / 04.07.2011 20:33:51

))) "бик зур рэхмэтемне белдерэсем килэ" ))) Белдерәсегез килә икән , белдедегез, эчтә калса, чуан булып чыга ул.)))
Сеңлем, булыр-булмас түрәләргә ияреп, "әйтәсем килә", "бигеләп үтәсем килә" һ.т.ш. тозсыз сүзтезмәләрне сөйләмегезгә кертмәгез!!! Татар теле, ул мәгънәсез сүзтезмәләрдән башка да бик матур...

№6 (774821) / 04.07.2011 20:13:16

Яхшы сзлэрегез очен бик зур рэхмэтемне белдерэсем килэ.Шунын кадэр эчкерсз яхшы сузлэрне минем ижатыма карата ишетермен дип уйламаган идем)

№5 (774820) / 04.07.2011 20:09:15

"УЯНЫРГА ВАКЫТ" , "ХАЛКЫМ ЙОЛДЫЗЫ" Менә болар яшләрчә, ичмасам! Юк исә, сонгы вакытта гел шыңшыйлар иде. Шигырләре дә шигыргә ошаган, җырлап тора. Фикер йөртүе дә, бала-чага гына булуына карамастан, чын, җитлекккән кешенеке (акселерациядер индн, шайтан алгыры))) ).
Талантлы яшьләр юк дигән булалар. Менә бит, бер ел эчендә дигәндәй, Энҗе Ибраһимованы, Гөлнирә Хөсәнова, Алинә Васильеваларны укыдык...

№4 (774819) / 04.07.2011 19:47:43

ооо...Рэхмэт)))

№3 (774818) / 04.07.2011 19:43:57

Һәрбер йөрәк яшь чагында, Алинәдәй балкып янсын!
Тузганакмы, тузмый торган чәчәктәнме, "калфак" үрсен!
Картайса да, тузганаклар очып бетсә - җебе калсын!
Яшь вакытта булалмаган нәрсәләрне (иң кимендә) төштә күрсен!

№2 (774817) / 04.07.2011 19:38:51

Бик матур!

№1 (774816) / 04.07.2011 19:21:02


Тузганактан тәкыя үрдем-
Сөюемнең билгесе.
Һәрбер таҗында салынган
Хисләремнең өлгесе.
(\"СӨЮ ТУЗГАНАКЛАРЫ\" Алинә Васильева)
...
Бар табигать чәчәк атты узган атна.
Сары таҗын ачты шулчак тузганак та.

Такыямны тузганактан кидем үреп,.
“Сөенсеннәр сөйгән ярлар , -дидем, күреп”.

Һәр таҗ саен яздым егет исемнәре,
Барысы да :”Мине сөя!”- дисен әле...

Калдырмыйча яздым башлап түбән очтан.
Үпкән -кочкан,бүген тузгып җилдә очкан.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar