поиск новостей
  • 21.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:30
  • 22.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:00
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 21 Гыйнвар
  • Фирзәр Мортазин - җырчы
  • Эльнара Нурмөхәммәтова - җырчы
  • Иван Егоров - дәүләт эшлеклесе
  • Наил Мөхәррәмов - галим
  • Кәрим Җаманаклы (1905-1965) - шагыйрь
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
10.11.2008 Җәмгыять

«КРЕМЛЬГӘ, ШӘЙМИЕВКӘ» (ПРЕЗИДЕНТКА КИЛГӘН ХАТЛАРНЫ КЕМ УКЫЙ?)

Татарстан почтальоннары көн саен Кремльгә хат ташый. Әлбәттә, аларның барысы да Президент кулына эләкми. «Әмма әгәр барып эләгә икән, ул хаттагы гозер үтәлде дигән сүз», – Илбашына хат язган һәр кеше шулай уйлыйдыр.

Үз исеменә язылган һәр хатны укып утырырга Президентның, әлбәттә, вакыты юк. Хатлар һәм мөрәҗәгатьләр белән шөгыльләнүче махсус идарә бар. Ул – Президент Аппаратының гражданнар мөрәҗәгатьләре белән эшләү идарәсе. Президент Шәймиев исеменә язылган хатлар нәкъ менә шунда теркәлә дә инде. Кайсы хатка кемнең җавап бирәчәге, хатта күтәрелгән нинди мәсьәләнең кайсы югарылыкта каралачагы да шунда хәл ителә.

 

“Казан, Кремль, Президент Минтимер Шәймиевкә” адресы буенча хат юллаучылар кемнәр? 30 проценты пенсионерлар һәм инвалидлар. Икенче урында – хезмәт ветераннары һәм тыл хезмәтчәннәре, аннан соң – бюджет өлкәсендә эшләүчеләр, күп балалы гаиләләр, иҗат интеллигенциясе... Республика тормышын, халыкның күпчелеген нинди сораулар борчыганы нәкъ менә шул хатларда көзгедәге кебек чагыла. Безнең халыкның иң “авырткан җире” – торак мәсьәләсе. Республикада берничә торак программасы эшли. Әмма торак мәйданын зурайтуны, булмаганны булдыруны Президентка хат язып хәл итеп була дип уйлаучылар ялгыша. Әгәр гозерегез бернинди закон кысаларына сыймый, башкалар хокукын кыса икән, сезгә әдәпле генә: “Гафу итегез, әмма мөрәҗәгатегез хәл итәрлек түгел”, – дип җавап бирәчәкләр, ни өчен хәл итеп булмаганлыгын да тәфсилләп аңлатачаклар.

 

Сүз уңаеннан, Президент исеменә килгән бер генә хат та җавапсыз калмый. Иң беренче булып хат белән Гражданнар мөрәҗәгатьләре белән эшләү идарәсе мөдире Иштирәков Хәбир Газиз улы таныша. Шуннан соң алар идарәнең хатлар һәм гражданнарны кабул итү бүлегендә теркәлә, эчтәлеге буенча нинди ведомствога җибәрергә икәнлеге хәл ителә, кирәкле документлар әзерләнә. Аннан әлеге хат чара күрү өчен берәр министрлыкка, оешмага, районга җибәрелә, ә авторга хатының кая җибәрелгәнлеге һәм кемнән җавап килергә тиешлеге турында хәбәр ителә. Күп кенә хат язмышын Президент Аппараты җитәкчесе Юрий Камалтынов хәл итә. Хат кая гына җибәрелсә дә, контрольгә алган очракта, идарә аны күз уңыннан ычкындырмый. Мөрәҗәгать итүче кичектергесез ярдәмгә мохтаҗ икән, аны идарәдә кабул итүче хезмәткәр шундук бу мәсьәләне хәл итәргә тиешле урынга чылтырата, килүчегә нәрсә эшләргә икәнлеген аңлата.

 

Гражданнарның конституция хокуклары бозылу, җитәкчеләрнең вәкаләтләреннән явызларча файдалануы, күпчелек халыкка кагылышлы проблемалар күтәрелгән хатлар Минтимер Шәймиев өстәленә ята.

 

Җәй айларында республика районнары буенча сәяхәте вакытында Минтимер Шәрипович авыл халкы белән очрашкан саен бер сорау бирде: “Сөтне хуҗалыклардан күпмегә җыялар?” Әңгәмәләр Президентның киңәше белән тәмамлана һәм ул сөтнең литрын 8 сумнан бер тиенгә булса да арзангарак җыйган очракта үзенә хат язарга өнди иде. Гаҗәп, әмма бу мәсьәлә буенча Илбашына бер генә мөрәҗәгать тә булмаган. Күрәсең, Президентның киңәшен кайберәүләр кисәтү дип тә кабул иткәндер. Аның каравы соңгы арада авыл урамнарын юллы итү турында ешрак сөйләшә башлагач, шул уңайдан мөрәҗәгатьләр күбәйгән.

 

Президентка хатлар килү елның нинди булуына да бәйле. Әйтик, Хәйрия елында күп очракта хәйриячелек, мәрхәмәт, ярдәм мәсьәләләре күтәрелсә, Гаилә елында, әлбәттә, гаилә проблемалары алга чыккан. Чит төбәкләрдән язучылар да шактый. Алар тел, мәгариф, мәдәният, тарих мәсьәләләрен күтәрә.

 

– Хатлар буенча республика халкына бәя дә биреп була, – ди идарә җитәкчесе Хәбир Иштирәков. – Безнең халык яхшы яшәргә омтылучан. Алар гозерләрен дә артык зарланмый-нитми, күп очракта башкаларны гаепләми генә җиткерә. Шикаятьләр саны соңгы елларда бик кимеде. Булган очракта алар күбесенчә хокук саклау органнары, суд приставлары эшчәнлегенә бәйле. Суд карарлары белән риза булмауларын белдерүчеләр бар. Берни сорамыйча гына хәл-әхвәл сорашып, исәнлек теләп язучылар да җитәрлек. Шунысы кызык: берәр проблема күтәрелгән очракта да бик күп хатлар Президентка республика тормышын яхшырту юнәлешендә эшләве өчен рәхмәт әйтүдән һәм исәнлек теләүдән башлана.

 

Идарә эшчәнлеге хатлар укып, аларга җавап әзерләүдән генә тормый. Республика Президенты белән очрашырга теләүчеләр дә беренче эш итеп шунда килә. Әгәр килгән кешенең мөрәҗәгате, чыннан да, Президент игътибарына лаек дип табылса, бу хакта Илбашына хәбәр итәләр. Кабул итү вакытын ул билгели.

 

– Мөрәҗәгать итүчегә 20 минут-ярты сәгать иртәрәк килергә кушабыз, – ди Хәбир Газизович. – Президент үз графигыннан тайпыла алмый, шуңа күрә соңга калмаска киңәш ителә. Мөрәҗәгать итүчегә аерым таләпләр юк, үзе һәм өс-башы пөхтә булсын – шул гына. Дөрес, үз фикереңне ачык һәм булдыралганча кыска итеп җиткерү кирәклеге турында кисәтәбез. Президент янында күпме буласын без хәл итмибез, барысы да әңгәмәнең ничек корылуына бәйле. Президент янына керүчеләр 5-10 минуттан да әйләнеп чыгарга, ярты сәгать-40 минут та утырырга мөмкин.

 

Агымдагы елның тугыз аенда Минтимер Шәймиев исеменә 8914 мөрәҗәгать килгән. Узган еллар белән чагыштырганда бу шактыйга күбрәк. Бары тик 2001 елда гына әлеге сан зуррак булган, Русия президентын сайлау елында Татарстан Президентына тугыз ай эчендә 10 меңгә якын кеше мөрәҗәгать иткән.

 


Гөлнара САБИРОВА
Татарстан яшьләре
№ 53 | 30.10.2008
Татарстан яшьләре печать

Фикерләр

Исем:
E-mail:
Текст:
 
№12 (8759) / 13.11.2008 13:30:20

Тотыш, мин ил башлыкларын күздә тоттым. Ә тегеләре турында уйламадым. Шуңа күрә дә син әйткән очракларда ничек язылырга тиешлеген белмим менә, бетте-китте...

№11 (8734) / 12.11.2008 22:36:53

Тамчы,  энциклопедиядэн - "Впервые звание «президент» стало использоваться как титул главы нации в ходе войны за независимость американских колоний, причем носивший его Джордж Вашингтон первоначально был «президентом Континентального конгресса», то есть председателем съезда представителей восставших против британской короны штатов. Лишь в процессе разработки конституции 1787 года титул «президент» был отделен от возглавляемого им органа (Конгресса) и приурочен к государству в целом.

На основании четвёртой главы Конституции президент осуществляет следующие полномочия:........"


«президент общества», «президент фирмы»... Конференциядэ КГУ Президенты Фэлэн Тэгэнев чыгыш ясады. АвтоВАЗ Президенты Фэлэн Фэсмэтэнэв эшчелэрен ялга жибэрде, алар Преэидентларына рэхмэт укыйлар. "Рэхмэт Президентыбызга" дилэр.
Монда да, синенчэ, бу суз баш хэрефтэн языламы?

№10 (8702) / 12.11.2008 15:39:07

Нигэ ул иле булмаса да, илбашы дип язалар икэн?

№9 (8671) / 12.11.2008 11:26:15

Тотыш, Президент сүзен баш хәрефтән язу кабул ителгән бит.

№8 (8650) / 12.11.2008 00:18:53

Тотыш, сөтнең литыры 7 сум тора!

№7 (8649) / 11.11.2008 23:55:30

Голинэ, президент сузе баш хэреф белэн язылмый.

Баш хэрефтэн язсан да, сотенне барыбер су бэясеннэн дэ артыкка сата алмассын. Сунын 1 литры 12 сум тора уртача, ызначит, су кирэгрэк хэм файдалырак тауар. Синен сотен кемгэ кирэк? Су сата башлап кара эле син.

№6 (8648) / 11.11.2008 23:23:54

Язвы, анда фио, адрес, электр.адрес курсэтелергэ тиеш... Мин менэ эпэт котлау шигыре жибэрергэ булдым

№5 (8639) / 11.11.2008 18:42:18

Тотыш, БУ ТУЧНЫЙ АДРЕСМЫ ИНДе? Ату буталып йореп булмас, кереп чыгасы булса. мин инде хат язып кына калмасмын. Богенге пучтыга ышаныч йок. Хатлар югалып тора. Ни турында язасымны сулисемне уйларым да бер эмэллэрем.

№4 (8626) / 11.11.2008 14:35:46

Контакты


Президент Республики Татарстан

* Шаймиев Минтимер Шарипович Адрес: 420014, г. Казань, Кремль
* Телефон: (843) 5678901
* Факс: (843) 2927088
* E-mail: aprt@kremlin.kazan.ru
* Internet: http://president.tatar.ru



Эллэ сыер аласы инде, язарга суз булыр ине..

№3 (8618) / 11.11.2008 13:22:59

Эле буген генэ Президентка хат язарга кирэк дип сойлэшеп утырган идек, безнен авылда сотне 6 сумнан гына жыялар. Аны шулай "Кремльгэ, Шэймиевкэ" дип язаргамы икэн?

№2 (8593) / 10.11.2008 22:34:57

"Авылга, бабайга"

№1 (8581) / 10.11.2008 18:23:43

минем Голнара Сабировага хат язасым килгэн иде.
Голнара, мин берни дэ сорамыйм. Аллага шокер, ботен нэрсэбез житеш, сыерыбызнын соте мул, оебез жылы. Хэл-эхвэлегезне генэ сорап язуым иде. Исэнлек телим. шушындый кызыклы язмагыз очен чын кунелемнэн рэхмэт! Хатымны жавапсыз калдырмассыз дип ышанам.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar